КРнын Генералдык прокуратурасы "Бизнести коргоо" мобилдик тиркемесин иштеп чыкты

Ыңгайлуу инвестициялык климат түзүү жана инвесторлордун ишенимин жогорулатуу максатында Генералдык прокуратура "Бизнести коргоо" мобилдик тиркемесин иштеп чыкты. Бул тиркеме мамлекеттик органдардын ишкердик чөйрөсүнө негизсиз кийлигишүүсүн токтотуу максатын көздөйт, муну ведомствонун маалымат кызматы билдирет.

Бул тиркемени ишкерлер мамлекеттик структуралар тарабынан жүргүзүлгөн ылайыксыз текшерүүлөр жана басым жөнүндө прокуратурага түздөн-түз билдирүү үчүн колдонушат. Мындан тышкары, колдонуучулар мыйзамсыз аракеттер тууралуу маалымат бергени келгенде сүрөт жана видеоматериалдарды тиркеп коё алышат.

Мобилдик тиркемеси "Бизнести коргоо" ишкерлердин укуктарын коргоонун күчтүү куралы болуп саналат.

Тиркемени жүктөп алуу үчүн, төмөнкү шилтеме боюнча өтүңүз: https://prokuror.kg/security/ru.