Башкы прокуратура жана мобилдик операторлор бизнеске «Бизнес коргоо» колдонмосу жөнүндө SMS билдирүүлөрдү жиберүүгө киришти

- Пресс-кызматтан маалымдашкандай, Башкы прокуратура «Альфа Телеком», «Нур Телеком» жана «Скай Мобайл» мобилдик операторлорунун көмөгү менен «Бизнес коргоо» мобилдик колдонмосу боюнча SMS билдирүүлөрдү жиберүүгө киришти.
Бул колдонмо ишкерлерге прокуратурага негизсиз текшерүүлөр жана мамлекеттик мекемелер тарабынан кысым көрсөтүү жөнүндө маалымдоо мүмкүнчүлүгүн берет. Мындан тышкары, пайдаланучулар мыйзамсыз аракеттерди далилдеген фото- жана видеоматериалдарды жиберишет.
Башкы прокуратура тарабынан түзүлгөн бул колдонмо мамлекеттик структуралардын ишкердик ишмердүүлүккө негизсиз кийлигилөөсүнө каршы күрөшүүгө, ошондой эле инвесторлордун ишенимин жогорулатууга жана өлкөдөгү инвестициялык климатты жакшыртууга багытталган.