Кыргызстан жана Абу-Даби айдоочуларды даярдоо тармагында кызматташат

Абу-Даби (БАӘ) шаарында болгон жумушчу сапарынын алкагында, Кыргыз Республикасынын Транспорт каражаттарын жана айдоочуларды каттоо мамлекеттик агенттигинин директору Улан Карыпбеков Emirates Driving Company, айдоочуларды даярдоо борборун зыярат кылды.
Жолугушуу учурунда тараптар айдоочуларды даярдоонун сапатын жакшыртуу, долбоорлорду санариптештирүү жана айдоочуларды каттоодо эл аралык тажрыйбаны киргизүү боюнча негизги аспектилерди талкуулашты.
Переговорлордун жыйынтыгында, өз ара кызматташуу, тажрыйба алмашуу жана адистердин квалификациясын арттыруу үчүн биргелешкен иш-чараларды уюштуруу тууралуу маанилүү консенсуска жетишилди. Жакынкы убакта Emirates Driving Companyнын өкүлдөрүнүн Кыргызстанга келип, Мамлекеттик агенттиктин иши менен таанышуусу күтүлүүдө. Бул кызматташуу, шексиз, өлкөдөгү айдоочуларды даярдоо системасын жакшыртууга жардам берет.
Бул кызматташуу Кыргыз Республикасында айдоочуларды даярдоо системасын модернизациялоо боюнча маанилүү кадам экенин белгилөө маанилүү.