Бишкекке эки электробус алып келинет

Бишкекке Anhui Ankai Automobile Company менен түзүлгөн келишимдин алкагында эки электробус алып келинет, азыркы учурда алар Торугарт чегинде. Бардык формалдуулуктар аякталгандан кийин, алар баш калаага жөнөтүлөт, деп маалымдайт шаардык администрация.

Бул электробустар айдоочуларды даярдоо жана инновациялык транспорттук чечимдерди көрсөтүү үчүн колдонулат. Азия өнүктүрүү банкы тарабынан колдоого алынган долбоордун алкагында Бишкектеги троллейбус ДЕПОсун реконструкциялоо иштери жүргүзүлүүдө, бул электробустарды кабыл алууга инфраструктураны даярдоого мүмкүнчүлүк берет. Алар 2025-жылдын июнь айында келет деп күтүлүүдө.

Реконструкциялоо иштерине заманбап заряддоо станцияларын орноштуруу жана электробустардын эффективдүү иштөөсү үчүн ДЕПОну ылайыкташтыруу кирет.