Дастан Бекешев: 12 жылдык мектеп билим берүү системасына өтүү уюштуруу чырына алып келет

Жогорку Кеңештин депутаты Дастан Бекешев 12 жылдык билим берүү форматты мектептерге киргизүү чоң көйгөйлөргө алып келерин билдирди.

Ал өзүнүн Telegram-каналында Бишкекте, Чүй облусунда жана башка аймактарда жаңы билим берүү системасына өтүү менен байланыштуу олуттуу кыйынчылыктар пайда болорун белгиледи.

«Учурда биз окутуу жайлары жана мугалимдердин жетишпестигин байкап жатабыз. Мындай кыска мөөнөттө жетиштүү мугалимдерди тартуу мүмкүн эмес», — деди ал.

Бекешевдин айтымында, азыр Бишкекте мектептерге балдарды жаздырууда кыйынчылыктар пайда болууда.

«Мисалы, 7-микрорайондо көп ата-энелер балдарын № 20 мектепке жаздыра алышкан жок, ал эми алар жакын жерде жашашат. Ошондуктан, алар үйлөрүнө алыс жайгашкан башка мектептерди издешүүгө мажбур болушууда. Мен күзгө чейин кырдаал абдан түйшүктүү болуп калат деп ойлойм. Адамдар нааразы болушат жана, балким, Жогорку Кеңешке жана Билим берүү министрилигине кайрылышат», — деп кошумчалады депутат.

Мурда Билим берүү жана илим министрлиги 12 жылдык билим берүү системасына өтүү менен байланыштуу өзүнүн жакынкы пландары тууралуу маалымат бөлүшкөн.