Депутат мектепке вакцинирован эмес балдарды кабыл албоо чечимин мыйзамсыз деп атады
«Мен корь оорусу өтө катуу оору экенин жана эмдөөдөн өтүүнүн маанилүүлүгү айдан ачык экенин түшүнөм. Бирок бул маселе медициналык эмес, конституциялык мааниге ээ. Мага көптөгөн жарандарыбыз кайрылышууда. Конституциянын 46-беренesinde ар бир адамдын билим алууга укугу бар, негизги жалпы билим берүү милдеттүү деп жазылган. Бирок биз тоскоолдуктарды жаратуудабыз. Мамлекет жарандардын саламаттыгы тууралуу кам көрүшү керек, бирок негизги укуктарды бузуу аркылуу эмес. Эмдөөдөн өтө албаган балдар бар, кээ бир ата-энелер убактысын жоготууда, ал эми айрым айылдарда медицина борборлору да жок», — деди Бактыбек Чойбеков.
Депутат ошондой эле Конституциялык соттун төрагасына жана Башкы прокуратурага Билим берүү жана илим министрлигинин чечиминин мыйзамдуулугун баалоону өтүндү.
Буга чейин Билим берүү жана илим боюнча орун басар министри Лира Самыкбаева эмдөөдөн өтпөгөн балдар мектепке киргизилбестигин билдирди. Ал ата-энелердин медициналык документи катары эки справка — медициналык текшерүүдөн өткөндүгү жана профилактикалык эмдөөлөрдүн жасалышы жөнүндө билдириши керек экенин тактады.
Обсудим?
Смотрите также:
