Полякта, орган сатуудан Казакстанда өкүм алган украиналык аял кармалды

Польша чек ара кызматы, орган сатуучу кылмыштуу топко катышканы үчүн Казакстанда 12 жылга соттолгон Украина жаранын кармады. Reuters агенттигинин маалыматына ылайык, ал 56 бөйрөктүн сатылышына тиешеси бар.

Пшесмиде прокуратуранын басма сөз катчысы Марта Петковская билдиргендей, 35 жаштагы кармалган аял Интерполдун маалыматы боюнча Украина менен Польша темир жол өткөрмөсүндө кармалган.

Бул аял 2020-жылдын ноябрь айынан бери эл аралык издөөдө болгон.

Ал 2017-жылдан 2019-жылга чейин эл аралык кылмыштуу уюмдун мүчөсү катары адамдардан ткан жана органдарын мыйзамсыз алуу жана андан кийин кара базарда сатуу боюнча күнөөлүү деп табылган. Прокуратура дагы ал Казакстан, Армения, Азербайжан, Украина, Кыргызстан, Тажикстан, Өзбекстан жана Тайланддагы 56 жабырлануучудан мыйзамсыз бөйрөктөрдү алгандыгын белгилеп, кылмыштарды туруктуу киреше булагы кылууга аракеттенгенин аныктады.

Прокуратура аялды Казакстанга экстрадициялоо үчүн бир аптага убактылуу камакка алуу тууралуу арыз жазган.