Жарандык авиациянын учуу коопсуздугунун абалын анализдөө биринчи жолу КРде өткөрүлдү

Кыргыстандын тарыхында биринчи жолу жарандык авиацияда учуу коопсуздугунун абалын талдоо өткөндүгү тууралуу Жарандык авиация мамлекеттик агенттиги маалымдады.

Бардык авиациялык ишканалардын, анын ичинде учуу коопсуздугунун кызматтарынын жетекчилери жана учуу директорлорунун өкүлдөрү жыйынга чогулган учурда, 2024 жылга байланыштуу авиациялык коопсуздуктун абалына арналган документ тапшырылды.

Бул документ учуу коопсуздугунун абалын жан-жактуу талдоону, инциденттер, авиациялык кырсыктар жана аныкталган коркунучтар боюнча статистиканы камтыйт.

Талкуунун жүрүшүндө кызматкерлер учуу коопсуздугун көзөмөлдөө боюнча оң өзгөрүүлөрдү белгилешти.

Мунун менен катар, дагы да өркүндөтүүнү талап кылган көйгөйлөр аныкталды. Жыйынына катышуучулар авиациялык ташуучулар менен профилактикалык иш-аракеттерди күчөтүүнүн, авиациялык персоналдын квалификациясын жогорулатуунун жана жердеги кызматтар менен аба кыймылы кызматтары менен өз ара аракеттенүүнү жакшыртуунун зарылдыгына басым жасашты.