2024-жылы Ысык-Күл облусунда 5 табигый кырсык болуп, чыгым 253 миллион сом болгон

2024-жылдын 19-февралы күнү Ысык-Күл облусунда жарандык коргоо органдарынын 2024-жылдагы ишмердүүлүгүнүн жыйынтыгы чыгарылып, 2025-жылга милдеттер белгиленди.

Бул иш-чарага жергиликтүү жарандык коргоо органдарынын жетекчилери, бийлик өкүлдөрү жана коомдук уюмдардын өкүлдөрү катышышты.

Жыйындын жүрүшүндө 2024-жылы Ысык-Күл облусунда табигый жана техногендик кырсыктардын алдын алуу жана жоюу боюнча маанилүү иш-чаралар өткөрүлгөнү белгиленди. Бул иштер мыйзамдарга жана өлкө президентинин жарлыктарына ылайык жүргүзүлгөн. Жалпысынан облус аймагында 93 иш-чара өткөрүлүп, анын ичинде командалык-штабдык машыгуулар, комплекс баалоолор жана өзгөчө тактикалык машыгуулар бар.

2024-жылы Ысык-Күл облусунда 5 табигый кырсык катталып, анда жер титирөөлөр жана селдин кесепеттери болду. Материалдык чыгымдардын жалпы суммасы 253 миллион 272 миң 100 сомду түздү. Өкмөт жана президенттин чечимдерине ылайык, кырсыктардан жабыркагандарга материалдык жардам көрсөтүлүп, жалпысынан 75 миллион 900 миң сомдон ашык акча бөлүндү.

Жыйында 2025-жылга жарандык коргоо органдары үчүн негизги милдеттер белгиленди:

- Табигый кырсыктарга каршы алдын алуу жана жоюу иштерин эффективдүү жүргүзүү;

- Кырсыктарды пайда боло турган тобокелдиктерди азайтуу;

- Жарандык коргоо күчтөрү жана каражаттарын дайыма даярдыкта сактоо.