Кыргызстан жана Өзбекстан жаңы авиация маршруттарын ачуу пландоодо

Жаңы маршруттарга туристтик кызыгуу чоң өсүшүн көрсөтүүдө


Жакында Aero Nomad Airlines авиакомпаниясынын өкүлдөрү менен Өзбекстандын алдыңкы туристтик операторлорунун ортосунда жолугушуу болду. Бул иш-чара Кыргызстандын Өзбекстандагы Соода өкүлчүлүгү тарабынан уюштурулду. Иш-чара Өзбекстандын Соода жана өнөр жай палатасында өтүп, эки коңшу өлкө арасына аба байланыштарын кеңейтүү мүмкүнчүлүктөрүн талкуулоого арналды деп жазылат Министрлер кабинетинин пресс-релизинде.

Жолугушууда катышуучулар жаңы авиамаршруттарды ачуу пландарын талкуулашты жана Кыргызстан менен Өзбекстан ортосундагы туристтик агымды өнүктүрүү боюнча колдоо көрсөтүүгө даяр экендиктерин билдирди. Туристтик операторлор болсо бул бастамага жогорку кызыгуу бар экенин, жолчу менен жаңы ыңгайлуу аба байланыштарына суроо-талаптын көптүгүн белгилешти.

Экономика министрлигинде жаңы маршруттардын ишке кириши жүргүнчү агымынын өсүшүнө, бизнес байланышты чыңдоого жана региондогу туристтик тармакты өнүктүрүүгө шарт түзөт деп белгилешти.

Сүрөт: www