Өзбекстандагы туроператорлор Кыргызстанга авиамаршруттарга болгон чоң суроттун бар экенин белгилешти

Кыргызстандын Экономика жана коммерция министрлигинде Өзбекстан менен Кыргызстан ортосунда жаңы авиабайланыштардын ачылыш пландары талкууланган жыйын өткөнү тууралуу маалымат беришти. Бул иш-чараны Кыргызстандагы Соода миссиясы уюштурду.

Өзбекстандын Соода жана өнөр жай палатасынын базасында “Aero Nomad Airlines” авиакомпаниясынын өкүлдөрү жана өлкөнүн негизги туристтик операторлору менен болгон жыйында эки өлкө ортосундагы авиация байланыштарын кеңейтүү мүмкүнчүлүктөрү талкууланды.
“Aero Nomad Airlines” авиакомпаниясынын директору Тимур Аралбаев компаниясынын кызматтарын кеңири маалымдады. Жыйындын катышуучулары жаңы авиамаршруттарды ачуу боюнча келечектерди талкуулашып, Кыргызстан менен Өзбекстан ортосунда туристтик агымды өнүктүрүү боюнча даяр экендиктерин белгилешти. Туристтик операторлор бул инициативага чоң кызыгуу билдиришип, саякатчылардан жаңы ыңгайлуу маршруттарга болгон суроо-талаптын өсүп жатканын белгилешти.

Жаңы авиарейстердин ишке кириши жүргүнчү агымын көбөйтүү, бизнес байланыштарын бекемдөө жана региондогу туристтик тармакты стимулдаштыруу үчүн мыкты шарттарды түзөт. Соода миссиясы эки өлкө ортосундагы кызматташтыкты кеңейтүү боюнча активдүү иштерин улантууда!