Жол фонду 2025-жылы 7,5 млрд сом жыйнап алуу пландаштырылууда

- Жогорку Кенештин пленардык жыйынында депутат Улан Примов Жол фондунда кандай каражаттар күтүлүп жатканын сурады.

Бул суроого Транспорт жана коммуникациялар министрлигинин орун басары Бекназар Базаралиев жооп берди. Ал 2024-жылы фонд 5,8 млрд сом, 2023-жылы - 4,5 млрд сом, ал эми 2021 жана 2022-жылы республикалык бюджеттен Жол фондуна 2 млрд сомдун тегерегинде каражат бөлүнгөнүн белгиледи.

Анын айтымында, быйыл жыйымдар 7,5 млрд сом деңгийне жетиши күтүлүүдө.

Ошол учурда, «Жол фонду тууралуу» мыйзамга өзгөртүүлөрдү киргизүү боюнча мыйзам долбоору биринчи окууда каралды.