Кыргызстан жана Түркия Чүй облусунда өнөр жай зонасын түзүү жана зергерчилик тармагында кызматташуу маселелерин талкуулады, - Министрлер кабинети

- 2025-жылдын 12-февралында өнөр жай кызматташтыгы боюнча жумушчу жолугушуу болду. Жыйынга экономика жана миграция министринин орун басары Искендер Асилкулов жана Түркиянын өнөр жайы жана технологиялар министрлигинин орун басары Мухаммет Касым Генуллю жетектеген өкүлдөр катышты, деп билдирет Министрлер кабинетинин пресс-кызматы.

Жолугушуунун учурунда өнөр жай тармагында кызматташуунун ар кыл аспектилери талкууланды.

Искендер Асилкулов тарабынан көтөрүлгөн негизги маселелердин бири Чүй облусунда өнөр жай зонасын ачуу боюнча сунуш болду.

Тараптар, 2025-жылдын апрель айында Түркиянын өкүлдөрү сунушталган жерди көрүп, өнөр жай зонасын куруу боюнча кийинки талкууларды жүргүзүү үчүн келишишти.

Андан тышкары, Анкара Соода палатасын имаратында экономика министринин орун басарынын Анкаранын зергерлер жана сааттарына арналган ассоциациясынын мүчөлөрү менен жолугушуусу өттү. Жолугушуунун жүрүшүндө өнөр жай бөлүмүнүн башчысы Арслан Базиев түрк технологияларын зергерчилик буюмдарды өндүрүүгө тартууга арналган презентацияны сунуш кылды.