Гурбангулы Бердымухамедов: Түркмөнстан Европага газ жеткирүүгө даяр

Гурбангулы Бердымухамедов
Сөз сүйлөөдө Бердымухамедов Европа энергия рыногу дүйнөдөгү эң чоң рыноктордун бири экенин белгилеп, Ашхабад менен кызматташуу эки тарапка тең пайдалуу болот деп ишенээрин айтты. «Түркмөнстан газ жеткирүү боюнча европалык өнөктөштөр менен активдүү биргелешип иштөөгө даяр. Транскаспий маршруту бул максатка жетүүнүн мүмкүн болгон жолдорунун бири», — деди ал.

Ал ошондой эле Ашхабадда жана Брюссельде дайыма парламент аралык жолугушуулар өткөрүлгөнүн белгиледи. Элдик кеңештин төрагасы адам укуктары боюнча Түркмөнстан менен Европалык Бирлик арасындагы диалог алкагында кызматташууну өнүктүрүүнү пландап жатканын кошумчалады.

2024-жылдын мартында Бердымухамедов түркмөн газын Түркияга жана Европага жеткирүү пландарын маалымдаган. Анын айтымында, бул газ Каспий деңизинен жана Азербайжан аркылуу же Иран менен макулдашуу имзаланган учурда Ирандын түтүк тармактары аркылуу жеткириле алат.

Ал Галкыныш кенинде 27 триллион кубометр газ бар экенин билдирди.