Эгер бала сарыкөз менен байланышта болсо, эмне кылыш керек? Дарыгерлердин кеңеши

Эгер сиздин балаңыз сарыкөз менен оорулуу адам менен байланышта болсо, бул оорулуу менен байланышкандыгынан кийин биринчи 72 саат ичинде сарыкөзгө каршы вакцина жасатуу сунушталат. Бул тууралуу Республика иммунопрофилактика борборунан билдиришти.

Эгер байланыштан качып кутулууга мүмкүн болбосо жана вакцинация убактысында жүргүзүлбөсө, медиктер сарыкөз менен оорулуу адам менен байланышкан баланын же чоң кишинин ден соолук абалын 21 күн бою үй шартында көзөмөлдөөнү сунушташууда.

«Эгер баланын сарыкөздүн белгилери пайда болсо, участковый доктурду чакыруу зарыл. Ал үй шартындагы дарылоонун же оорукананын дарыланганын аныктайт, ошондой эле инфекциянын андан ары жайылышын алдын алуу үчүн зарыл болгон терапевтикалык чараларды жана профилактикалык иш-чараларды белгилейт», - деп баса белгилешти адистер.