Аламедин районунда PISA-2025 башталды

9-апрель күнү Таш-Мойноктогу Сакин Бегматова ысымындагы мектепте билим берүү сапатын баалоо боюнча эл аралык PISA программасы башталды. Бул тууралуу Аламедин райондук билим берүү бөлүмүнүн маалыматы аркылуу белгилүү болду.

Иш-чарада Чүй облусунун билим берүү методикалык бөлүмүнүн жетектөөчүсү Р. Султанов жана Аламедин районунун билим берүү бөлүмүн башкарган М. Усеналиев катышты. Алар PISAга катышуу окуучулар үчүн уникалдуу тажрыйба алып келерине, билимдерин жана мүмкүнчүлүктөрүн жакшыраак түшүнүүгө жана ишке ашырууга жардам берээрине, ошондой эле региондогу билим берүү процессинин өнүгүшүнүн маанилүү кадамы болоорун айтышты.