СБНОНдун кызматкерлери Аламедин базарында жарандан 571 пакет күчтүү дары каражатын тартып алышты
СБНОНдун басма сөз кызматынан маалымдашкандай, Бишкекте кооптуу медикаменттерди сатуу менен алектенген белгисиз кишинин мыйзамсыз ишмердиги тууралуу маалымат келип түшкөн.
Аламедин базарында жүргүзүлгөн операция учурунда кызматкерлер 1987-жылы төрөлгөн О.Б.А. аттуу жарандан 490 пакет дары менен толтурулган кутучаны тапты. Мындан тышкары, кийинки аракеттердин натыйжасында аял дагы 81 пакetti, алар үйүндө сакталган, өз ыктыяры менен тапшырды. Жыйынтыгында, алынган пакеттердин жалпы саны 571ге жетти.
Учурда алынган дарылар боюнча соттук-химиялык экспертизалар жүргүзүлүүдө, ошондой эле Кыргыз Республикасында бул дары-дармектерди жеткирип берип жаткан кылмыштуу схеманын башка катышуучуларын аныктоо боюнча оперативдүү иш-чаралар улантылууда.
Күчтүү дары каражатын врачтын нускамасыз колдонуу ден соолукка оор коркунуч туудурушу мүмкүн экенин белгилеп өтүш керек.
Обсудим?
Смотрите также:
