Ош шаарындагы көп кабаттуу үйдүн тургундары өрттөн улам эвакуацияланды (видео)

Өрт Салиев көчөсүндөгү көп кабаттуу имараттын подвалында чыкты.


Куткаруу министрлиги тарабынан берилген маалыматка ылайык, Ош шаарындагы көп кабаттуу үйлөрдүн тургундары өрт чыгып кеткендиктен эвакуацияланды.

Бүгүн мекемеге Салиев көчөсүндөгү имараттын подвалында болгон өрт жөнүндө маалымкат түшкөн.

Өрттү өчүрүү максатында, Ош шаарынын МЧС ПСЧ № 13 өрт бригадасы 9:08де окуянын болгон жерине жөнөтүлдү.

Эвакуациялоо иш-чараларынын натыйжасында үйдөн 19 адам чыгарылды. 10:48ге чейин өрт толугу менен өчүрүлдү, жабыркагандар катталган жок.