Кара-Сууда мамлекеттик баланска эки кабаттуу имарат менен жер тилкеси кайтарылды

Ош облусунда, Кара-Суу районунда, эки кабаттуу имарат жайгашкан жер тилкеси мамлекеттин менчигине кайтарылды. Бул тууралуу Улуттук коопсуздук мамлекеттик комитетинин (УКМК) маалымат кызматы маалымдады.

Маалыматка ылайык, 2004-жылы аталган жер тилкеси райондун мамлекеттик администрациясынын балансынан мыйзамсыз чыгарылып, анын аймагында коомдук тамактануу үчүн имарат курулган.

Териштирүү-оперативдик иштердин натыйжасында жер тилкеси жана имарат мамлекеттин балансы боюнча кайтарылды.