Сокулукте эр киши таанышысын өлтүрүп, кылмышын жашыруу үчүн үйдү өрттөгөн

Чүй облусунда өлүмгө себеп болгон кылмышты жашыруу үчүн үйдү өрттөгөн шектүү кармалды.

Милициянын маалыматы боюнча, 18-мартта саат 07:10да Сокулук райондук милициясына Ысык-Күл көчөсүндө жайгашкан Сокулук айылындагы үйдө өрт чыгып, бир адамдын өмүрү кыйылганы тууралуу кабар түшкөн.

Бул окуя катталып, милицияда тергөө иштерине даярдык башталды.

Тергөө учурунда, таңкы саат 04:00 чамасында В.С. жана Т.К. аттуу эки эркектин арасында сөз талашуулар болуп, натыйжада Т.К. В.С.ка өлүмгө алып келген жаракаттарды берген, ал ошол жерден көз жумган.

Кылмыштын издерин жашыруу максатында Т.К. В.С. жайгашкан үйдү өрттөп, окуя болгон жерден качып кеткен.

Бул факт боюнча Кыргыз Республикасындагы Кылмыш кодексинин 122-беренеси (өлтүрүү) боюнча кылмыш иши козголгон.

Иш-чаралардын жүрүшүндө шектүү, 1995-жылы туулган Т.К.нын жайгашкан жери аныкталып, 96-статья боюнча кармалып, убактылуу кармоо жайына киргизилди.

Кылмыш ишинин алкагында бардык зарыл сот экспертизалары дайындалган, тергөө иштери уланууда.