Ош шаарынын мэриясы шаардыктардын негизги жолдорунун бирин реконструкциялоо жана көркөмдөөгө сунуштарды көрсөткөн

Ош шаарынын мэриясынын маалымат кызматы билдиргендей, «Достук» өткөрмө пунктун Ош шаары менен байланыштыруучу автожолдун реконструкциясы долбоору иштелип чыкты. Долбоордун алкагында айланма жолду жаңылап, трассанын эки тарабындагы участкалардын жашылдандырылышын жана көрктөндүрүлүшүн пландаштыруу киргизилген.

Бардык өзгөртүүлөрдү чагылдырган эскиздер Ош шаарынын региондук курулуш жана архитектура башкармалыгы тарабынан даярдалды.