Жылдын башынан тарта ГНС 48 миңден ашык жарандарынын телефон чалууну кабыл алды

2025-жылдын январь айынан март айына чейин Кыргыз Республикасынын Мамлекеттик салык кызматынын Call-борбору 48 434 кайрылууну кабыл алып, салык боюнча кеңештерди берип келген.

Ведомствонун маалыматына ылайык, бул сан өткөн жылдын ошол эле мезгилине караганда 6 355 кайрылууга көп.

Эң көп кездешкен суроолор салык отчетун толтуруу, салык каттоосу, ГНСтин электрондук кызматтары менен иштөө, мүлк салыктары, салык декларацияларын тапшыруу, контролдук-кассалык машиналарды колдонуу, ошондой эле карызы жок экендиги тууралуу справкаларды алуу жана башка салык суроолоруна байланыштуу болду.

Эскерте кетсек, 2024-жылы ГНСнин Call-борборуна 199 055 салык боюнча кайрылуу түшүп, бул 2023-жылдын салыштырмалуу мезгилине караганда 19 105 кайрылууга көп болгон.