Кыргызстанда футболду башкаруу боюнча өлкөдөгү биринчи программа башталат

Кыргызстанда өлкөнүн тарыхында биринчи жолу футболду башкарууга арналган программа ишке ашырылат. Бул инициатива AFC (Азия футбол конфедерациясы) алкагында ишке ашырылып, ACFAM (AFC Football Administration and Management боюнча Сертификаты) аталышын алды. Жобо АФКнын Академиялык билим берүү борбору менен биргеликте жүзөгө ашырылып, футбол администратору катары кадрдардын квалификациясын жогорулатууга арналат.

Программанын катышуучуларына футболдук тармактагы ар түрдүү секторлордон 33 адис тартылган, анын ичинде регионалдык ассоциациялар, клубдар, академиялар жана лигалар. Бул маанилүү билим берүү иш-чарасы АФКнын 47 катышуучу өлкөсүнүн арасында Кыргызстанда биринчи болуп жатат.

Алты айга созулчу курс гибрид форматында, онлайн жана офлайн окуу форматтарын айкалыштыруучу түрдө жүргүзүлөт. Бул катышуучуларга сапаттуу билим алууга ыңгайлуу шарттарды түзөт. Программа глобалдык футбол индустриясынын структурасы, стратегиялык башкаруу, адам ресурстарын башкаруу, каржылоо, социалдык жоопкерчилик, балдарды коргоо, иш-чараларды уюштуруу, экологиялык туруктуулук, медиа-коммуникация, спорттук мыйзам, операциялык башкаруу жана лидерлик негиздери сыяктуу 12 негизги модулду камтыйт.

Программанын башталышы 2025-жылдын 12-апрель күнү белгиленген, ал эми аякталышы ошол жылдын октябрь айынын башында пландалууда.