БШКнын өкүлдөрү БУУ жана ПРООН менен жолугушту

12-мартта Борбордук шайлоо комиссиясынын төрагасы Тынчтык Шайназаров Кыргызстандагы БУУнун туруктуу координатору Антье Граве жана өлкөдөгү ПРООНтун туруктуу өкүлү Александра Соловьева менен жолугушуу өткөрдү.
Жолугушуунун жыйынтыктарында БШКнын өкүлдөрү шайлоодогу инклюзивдүүлүктүн маанилүүлүгүн жана жарандардын укуктук маданиятын жогорулатуунун зарылдыгын белгилешти. Жаштарды шайлоо процессине тартууга жана алардын активдүү катышуусу үчүн шарттарды түзүүгө өзгөчө көңүл бурулду.

«Жаштар жөнүндө» мыйзамдагы өзгөртүүлөргө ылайык, эми жаштар 35 жашка чейинги адамдар катары эсептелет. Натыйжада, республикалык шайлоочулардын катарында жаш шайлоочулардын (18ден 35 жашка чейин) үлүшү 43,57% ды түздү, бул 1 миллион 735 миң 417 адамга барабар.

Тараптар Кыргызстанда демократиялык процесстерди бекемдөө үчүн кызматташууга даяр экендигин билдиришти.