ЦИК өкүлдөрү Тажикстандагы шайлоо мониторингине катышууда

2-мартта Тажикстан Республикасынын Жогорку Кеңешинин Маджлиси өкүлдөрүнүн шайлоолорунун мониторингине Кыргызстандык өкүлдөр катышууда: ЦИКтин төрагасы Тынчтык Шайназаров, ЦИКтин мүчөсү Анара Дубанбаева жана ЦИК аппаратынын кызматкерлери. Бул тууралуу мекеменин басма сөз кызматы билдирди.

Мындан тышкары, МПА СНГ миссиясынын курамына Жогорку Кеңештин депутаттары - Бакытбек Марипов, ал эми ОДКБ ПАдан - Нилуфар Алимжанова киргени маалымдалды.

Кыргызстан ЦИК делегациясы Тажикстандын ЦИК төрагасы Худоёрзода Бахтиёр Тавар менен жолугуп, шайлоолорду даярдоо жана уюштуруу маселелерин, шайлоо комиссияларынын ишин, жаштарды шайлоо процессине тартуу жана шайлоочуларды маалыматтандыруу чараларын талкуулашты.

Тынчтык Шайназаров жарандардын шайлоо укуктарын камсыз кылуу үчүн Маджлиси өкүлдөрүнүн шайлоосунда бардык зарыл шарттар түзүлгөнүн белгилеп, шайлоо өнөктүгүн өткөрүүдө ийгилик каалады.

Көзөмөлчүлөр көптөгөн шайлоо участкаларына барып, шайлоочулар, шайлоо комиссияларынын мүчөлөрү жана жергиликтүү көзөмөлчүлөр менен сүйлөшүүлөрдү жүргүзүштү.

Учурда шайлоочулардын тизмесинде 5 миллиондой 522 миң 88 адам катталган.

Шайлоолор үчүн 41 аймактык жана 3549 участкалык комиссия түзүлгөн, алардын ичинен 36 участак Тажикстандын 28 өлкөдөгү чет элдик өкүлчүлүктөрүндө жайгашкан.

Мониторингге 229 эл аралык көзөмөлчү аккредитацияланды.

Маалымат катары:

2024-жылдын 4-декабрында Тажикстан президенти Маджлиси өкүлдөрүнүн депутаттарын 2025-жылдын 2-мартында шайлоону өткөрүүнү белгиледи.

Маджлиси өкүлдөр 63 депутаттан турат, анын арасында:

22 пропорционалдык система боюнча,

41 – бир мандаттуу округдар боюнча.

Шайлоочулардын 5% добушун алган партиялар мандаттарды бөлүшүүдө катыша алышат.

Пропорционалдык система боюнча төмөнкү талапкерлер сунушталды:

Тажикстандын Агрардык партиясы – 13 талапкер,

Тажикстандын Экономикалык реформалар партиясы – 13 талапкер,

Тажикстандын Социалисттик партиясы – 6 талапкер,

Тажикстандын Демократиялык партиясы – 4 талапкер,

Тажикстандын Элдик-демократиялык партиясы – 28 талапкер,

Тажикстандын Коммунисттик партиясы – 6 талапкер.

Бир мандаттуу округдарда 152 талапкер катталган, анын ичинен 81 өзүн-өзү көрсөткөндөр.