Депутат: Жогорку аймактардагы мектеп автобусу колдонулбай жатат

Жогорку Кенештин жыйынында 12-мартта депутат Жанар Акаев Россия тарабынан берилген мектеп автобустары алыстагы аймактарда эч кандай колдонулбастан турат деп белгиледи.

Анын айтымында, маселе айдоочулардын жана аларды тейлөө үчүн зарыл болгон каражаттын жоктугунда. Ал бул жагдай менен кимдер алектениши керектигин сурады.

Билим берүү жана илим министри Догдуркул Кендирбаева бул автобустар жергиликтүү айыл өкмөттөрүнүн балансында экендигин жана каржылоонун да ошолорго жүктөлгөнүн билдирди.

Ал "Биз жагдайды көзөмөлдөп турабыз" деп ишендирди.