ЖКда Борис Ельцин тарабынан Кыргызстанга берилген спутник тууралуу суроо пайда болду

Жогорку Кенештин жыйынында депутат Арсланбек Малиев Борис Ельциндин Россия президенти болуп турган учурда Кыргызстанга спутник бергендиги тууралуу маалымат бар экендигин билдирген. Ал учурда өлкөнү башкарган Аскар Акаев аркылуу бул берилген.

Малиев бул спутник чын эле берилгенби жана эгер берилсе, азыркы учурда Кыргызстанга пайда алып келеби деген суроону көтөрдү.

Ошондуктан депутат спикер Нурланбек Тургунбек уулуна тиешелүү мекемелерге иликтөө иштерин жүргүзүүнү тапшырганга сунуш жасады, Россия тарабынан берилген спутниктин учурдагы жайгашкан жери жана абалы тууралуу маалымат алуу мүмкүнчүлүгүн тактоо үчүн.