Билим министрлиги 12 жылдык билим берүүнү киргизүү боюнча билдирүү жасады

«Аныкталган тобокелдиктерди минималдаштыруу менен 12 жылдык мектеп билим берүүнү киргизүүнү улантабыз»


Билим берүү жана илим министрлиги өлкөнүн жетекчилиги менен талкуудан кийин 12 жылдык мектеп билим берүү боюнча пландарын жарыялады.

Ведомстводо белгиленгендей, 12 жылдык билим берүүнү киргизүү процесси этап-этап менен улантылат, буга чейин аныкталган тобокелдиктерди азайтууга басым жасалат.

«Билим берүүдөгү реформа балдарды алты жашынан баштап дагы бир жыл окууга кошуу менен чектелбейт. Негизги максат билим берүүнүн сапатын жогорулатуу, окуу программасын жеңилдетүү жана билим берүү системасындагы учурдагы маселелерди чечүү болуп саналат. Өзгөртүүлөрдү каржылоо республикалык бюджеттен жүргүзүлөт, ал инфраструктураны модернизациялоого, окуу планын жана китептерин жаңыртууга, ошондой эле мугалимдердин квалификациясын жогорулатууга жана мектептерди заманбап жабдуулар менен жабдуу үчүн жумшалат», - деп айтылган билдирүүнүн мазмунунда.

12 жылдык система старшеклассниктерге келечектеги кесибин алдын ала тандоого мүмкүнчүлүк берет. Бул мектеп окуучуларына өзгөчө адистикти тандоодо түшүнүктүү жолго түшүүгө жана ЖОЖдерге кирүүдө ката кетирбөөгө жардам берет.

Реформадагы негизги аспектилердин бири - балдардын мектепке даярдык деңгээги теңдештирүү болуп саналат, бул бардык окуучулар үчүн тең шарттар түзөт. Мектептерде орун жетишсиздиги маселеси атайын көзөмөлдө болот. Жаңы билим берүү системасын киргизүү жаңы мектептерди жана кошумча имараттарды курууну талап кылат, бул билим берүү мекемелерине жүктөмдү тең салууга жардам берет», - деп кошумчалашты министрлик.

Мурда, УКМКнын төрагасы Камчыбек Ташиев Кыргызстандын 12 жылдык билим берүүгө өтүшүнө каршы экенин билдирген. Бирок кийинчерээк ал президент Садыр Жапаров менен болгон жолугушууда бардык мүмкүнчүлүктөгү тобокелдиктер талкууланганын жана президенттин билим берүү реформасын этап-этабы менен киргизүү боюнча чечим кабыл алганын айтты.

Сүрөт: www