Жогорку Кенештин дагы бир комитети ММКлар боюнча мыйзам жобосун жактырды

Жоба тууралуу маалыматты маданият, маалымат жана жаштар саясаты министринин орун басары Марат Тагаев сунуштады.


Жыйында «Массалык маалымат каражаттары жөнүндө» мыйзам долбоору каралды. Марат Тагаевдын айтымына караганда, мыйзам долбоорунда маалыматка жетүү жана медианын ишин уюштуруу маселелери, албетте, санариптештирүүнүн шарттарында абдан актуалдуу болуп саналат. Мыйзам долбоору контентти таратуунун ар кандай форматтарын, анын ичинде видео программаларын жана интернет басылмаларын, ММК катары өз каалоосу боюнча каттоого алууну карайт.
Жыйында депутат Чингиз Айдарбеков блогерлерди жөнгө салуу боюнча маанилүү маселени көтөрдү. Муну менен байланыштуу Марат Тагаев учурдагы жободо блогерлердин ишмердүүлүгүнө тиешеси бар нормалар жок экенин айтты, анткени блогерлер кесипкөй журналисттер катары эсептелбейт. Бирок ал блогерлердин ишин жөнгө салуу үчүн атайын мыйзам долбоорун иштеп чыгуу зарылдыгын кошумчалады.
Жыйында мыйзам долбоору биринчи окууда жактырды.

Сүрөт Жогорку Кенештин басма сөз кызматы тарабынан