Сиздерде бардык блогерлер бар. Депутатка министрдин орун басарлары жакпай жатат

Жогорку Кеңештин жыйынында депутаттар Мирбек Мамбеталиевди маданият, маалымат жана жаштар саясаты министринин кызматына дайындоо боюнча сунушун жактырышты.

Вице-спикер Нурбек Сыдагалиев добуш берүүдөн кийин жаңы министрге кайрылып, анын ийгилигине үмүт артып, реформаларды орун басарлардан баштоо керек экенин белгиледи.

«Сиздин командаңызда бардык блогерлер бар, ал эми орун басарлар чыныгы адистер болушу керек», — деп кошумчалады.

Учурда маданият, маалымат, спорт жана жаштар саясаты министринин биринчи орун басары Чыңгыз Эсенгул уулу. Башка орун басарлар Гульбара Абдыкалыкова, Тимурлан Ажималиев жана Марат Тагаев болуп саналат.