М.Фрунзенин үй-музейинде «Манас» эпосуна арналган мультимедиялык көргөзмө өтөт

Улуттук «Манас» академиясы Маданият министрлиги жана М. В. Фрунзе токтогон үй-музейи менен биргеликте белгилүү кыргыз эпосу «Манаска» арналган мультимедиялык көргөзмөнү өткөрөрүн жарыялады.

Улуттук «Манас» академиясынын басма сөз кызматы берген маалыматка ылайык, жакында өткөрүлгөн жыйында катышуучулар көргөзмөнү уюштуруу боюнча деталдарды талкуулашты.

Талкууга академиянын президенти Азиз Биймырза уулу, вице-президенти Назира Аалы кызы, музейдин директору Кенеш Алмакүчүков жана Маданият министрлигинин өкүлү катышты.

М. В. Фрунзенин үй-музейинде туруктуу мультимедиялык көргөзмөлөрдү өткөрүү үчүн жер астында музей куруу пландаштырылууда. Алгачкы иш чара «Манас» эпосуна байланышкан чыгармаларга арналат.