"Манас" аэропортунда жоголгон жүгү сатат деген маалымат чындыкка дал келбейт

Манас аэропорту жоголгон жүктөрдү сатуу менен алектенет деген жалган маалымат "Кыргызстан аэропорттору" ААКтын пресс-кызматы тарабынан төгүнгө чыгарылды.
"Биз баарын эскертебиз! Интернетте «Манас» аэропортунда жоголгон буюмдарды сатуу тууралуу жалган маалымат таралууда. Жоголгон буюмдарды сатуу менен биз, «Манас» аэропорту жана өлкөдөгү башка аэропорттор алектенбейт," - деп белгилешет компаниянын өкүлдөрү.

Мындан тышкары, "Кыргызстан аэропорттору" жарандарды шектүү шилтемелерден качууга жана тааныш эмес эсептерге акча которбоого чакырат.