Жогорку сот КР Темиров LIVE журналисттеринин өкүмүн күчүндө калтырды

Коргоо журналисттерди актоону өтүндү


Бүгүн Кыргызстан Жогорку сотунда Махабат Тажибек кызы, Азамат Ишенбеков жана Айке Бейшекеева тарабынан берилген кассациялык арыздар боюнча угуу өттү.

Адвокаттар өздөрүнүн коргоосундагыларды толук актоо боюнча өтүнүч менен чыгышты, ал эми прокурор мурдагы айыптоо өкүмүн сактап калууну көздөдү.

Натыйжада Жогорку сот төмөнкү инстанциялардын чечимин өзгөртпөй, төмөнкү жаза мөөнөттөрүн белгиледи: Махабат Тажибек кызы 6 жыл эркинен ажыратууга, Азамат Ишенбеков 5 жылга, ал эми Айке Бейшекеева 3 жыл пробациялык көзөмөлдө бекитилди.

Эскерте кетсек, Temirov LIVE жана «Айт айт десе» проекттери менен иштеген журналисттер 2024-жылдын январь айында массалык башаламандык уюштурган деп шектелип кармалган. 2024-жылдын 10-октябрында Бишкектин Ленин райондук соту Махабат Тажибек кызыны күнөлүү деп табып, алты жылга эркинен ажыратты. Азамат Ишенбеков да күнөлүү деп табылып, 5 жыл эркинен ажыратылды. Актилек Капаров менен Айке Бейшекеевага үч жыл пробация белгиленди. Калган жети айыпталуучу акталды.

Сүрөт: www