Депутаттар экс-торага привилегия берүүнү көздөшүүдө, өкмөттүн каршы пикирлерине карабастан
Бир топ депутаттар мурдагы тораганын тагдырына байланыштуу кооптонууларын билдиришти. Алар «Жогорку Кенештин депутатынын статусу жөнүндө» мыйзамга өзгөртүүлөрдү сунуштап, экс-тораганын расмий статусун белгилөөнү жана мамлекеттен кошумча укуктарды берүү мүмкүндүгүн карашкан.
Сунушталган мыйзам долбоору мурдагы Жогорку Кенештин торага жана анын аялына дипломаттык паспорт алуу, бекер медициналык кызматтардан пайдалануусун камсыз кылуу, ошондой эле аэропорттордогу жана темир жол вокзалдарындагы расмий адамдар жана делегациялар үчүн залдарды акысыз пайдалануу мүмкүнчүлүгүнө ээ болууга мүмкүндүк берет.
Өкмөт болсо бул мыйзам долбооруна терс пикир берди.
Адылбек Касымалиев кол koyгон жыйынтыктарда: «ЖКнын экс-тораганы үчүн өзгөчө статус жана артыкчылыктарды түзүү мыйзам алдында бардык адамдардын теңдиги принципине каршы келген болушу мүмкүн» деп белгиленген.
Өзгөртүүлөрдүн бир автору Улукбек Ормонов депутаттар мурдагы тораганын статусун «экс» деп көрсөтүүдөн баш тартуу үчүн даяр экендигин баса белгиледи.
«Биз аларды биринчи же экинчи чакырылыштын спикерлери катары аныктоого мүмкүнчүлүгүбүз бар. Ошондой эле бюджет боюнча суроолор болгон. Бир экс-торага үчүн 317 миң сом берүү пландаштырылууда. Бул каражаттарды спикердин фондунан алса болот», — деп кошумчалады Улукбек Ормонов.
Анткен менен, конституциялык мыйзам чыгаруу, мамлекеттик түзүлүш, сот-укуктук маселелер жана регламент боюнча комитет мыйзам долбоорун биринчи окулууда колдоп берди.
Обсудим?
Смотрите также:
