20 жыл кызмат өтөгөн милиция кызматкерлерине кызматтык турак жайды приватизациялоого мүмкүндүк берилиши мүмкүн

Бүгүн, 13-февралда, Жогорку Кенештин жыйынында депутаттар укук коргоо органдарынын кызматкерлеринин кызматтык турак жайларын приватизациялоого байланыштуу мыйзам долбоорун карашты.

Бул мыйзам долбоорун депутаттар Кубанычбек Самаков жана Эльдар Сулайманов сунушташкан.

Докладчы Талайбек Масабировдун билдирүүлөрүнө караганда, мыйзам долбоору 20 жылдан ашык убакыттан бери системада иштеп жаткан кызматкерлер үчүн кызматтык батирлерди түздөн-түз сатуу аркылуу приватизациялоо мүмкүнчүлүгүн сунуштайт.

Мыйзам долбоору депутаттар тарабынан экинчи окууда колдоо тапты.