Бишкекте Аламудун дарыясын тазалоо иштеринин алкагында 20 миң тонна таштанды чыгарылды

Аламудун дарыясын тазалоо иштеринин улантылып жатат.

4-февралдан бери Бишкекте Аламудун дарыясын механикалык тазалоонун экинчи этабы активдүү жүрүүдө. Процесс ылдам темпте, темир-бетон заводунан жаңадан жайгашкан бөлүштүрүү шлюзунан башталууда.

Азыркы учурда 3,7 километр дарыялык жээги тазаланды жана жалпы 929 «Хово» самосвалдары чыгарылды, бул 20 438 тонна таштандыны түзөт.

Операцияда 6 экскаватор жана 9 «Хово» самосвалдары катышууда.

Маанилүү белгилей кетчү жагдай, дарыянын шаар ичиндеги узундугу 15,7 километрди түзөт.