Ош шаарынын мэри Бишкектеги курулуп жаткан эко-заводду зыярат кылды

Бүгүн Ош шаарынын мэри Женишбек Токторбаев Бишкекте катуу турак-жай калдыктарынан электр энергиясын өндүрүү үчүн курулуп жаткан эко-технологиялык заводдун курулуш объектин зыярат кылды.
Мэрия тарабынан берилген маалыматка ылайык, өткөн күнү борбордо бул долбоорду ишке ашыруу боюнча ОсОО «Хунань Цзюнсинь Хуаньбао Кей Джи Инвест» компаниясынын өкүлдөрү менен жолугушуу өткөн.
Андан тышкары, инвестициялык кызматташтык чегинде Ош шаарында калдыктарды күйгүзүү аркылуу электр энергиясын өндүрүүчү заманбап заводду куруу пландалууда.