«Кыргыз почтасы» жоголгон жүктөрдү сатпайт - Минцифра

Кыргызстандын Цифровдук өнүктүрүү министрлигинин басма сөз кызматында «Кыргыз почтасы» тарабынан жоголгон жүктөрдү сатуу боюнча маалыматтын жалган экени айтылды.
Ведомстводо мындай ушактар социалдык желелерде активдүү тарап жаткандыгын жана чындыкка дал келбестигин белгилешти.

«Расмий түрдө ОАО «Кыргыз почтасы» жана анын филиалдары мындай иштер менен алектенбестигин маалымдайбыз. Осторожно! Күмөндүү шилтемелерге өтүүдөн сак болуңуздар жана тааныш эмес эсептерге каражат жөнөтүүгө жол бербеңиздер. Текшерилген булактарга гана ишениниң. Эгерде сизде суроолор болсо, Кыргызстандын Почтасынын расмий өкүлчүлүктөрүнө кайрылыңыз», - деп айтылат пресс-релизде.