Дисциплинардык жоопкерчиликке тартылган 53 мамлекеттик органдын жетекчилери

Президенттин администрациясынын коллегиясынын жыйыны «Ынтымак-Ордо» комплексинде өтүп, Президенттин жана министрлер кабинетинин чечимдеринин аткарылышын текшерүү башкармалыгынын начальниги Азамат Осмонов бир катар чечимдердин аткарылышында бузулуулар байкалганын билдирди.
Ал 2024-жылдын жыйынтыгы боюнча, 53 мамлекеттик органдын жетекчиси дисциплинардык жоопкерчиликке тартылганын белгиледи.
Мындан тышкары, мамлекеттик жана жергиликтүү өз алдынча башкаруу органдарынын чечимдерине ылайык, 149 кызматкерге дисциплинардык чаралар көрүлгөн.