28-майдан баштап Ош - Алматы жаңы авиарейси ишке кирет

28-майдан тартып Кыргызстан менен Казакстандын тургундары Ош менен Алматыны байланыштырган жаңы авиарейстен пайдалана алышат.

«Кыргызстандын аэропорттору» акционердик коомунун берген маалыматы боюнча, Air Astana авиакомпаниясы рейстерди апта сайын төрт жолу: сейшемби, чәршемби, жума жана жекшемби күндөрүндө жүзөгө ашырат.

«Airbus учактарында эконом-класста 132 орун жана бизнес-класста 16 орун болот», - деп билдирди Air Astana компаниясынын Кыргызстан боюнча региондук менеджери Алибек Берикбосынов.