Бишкектин ТЭЦинде оңдоп-түзөө иштерине киришилди

Бишкекте ТЭЦ 2025-2026-жылдардын жылуулук мезгилинде иштиктүүлүгүн камсыз кылууга багытталган масштабдуу оңдоп-түзөө иштерине киришти.

Шаардык мэриянын маалымат кызматынын маалыматына ылайык, бул кампаниянын алкагында бир котлоагрегатты капиталдык оңдоп-түзөө, ошондой эле төрт башка котлоагрегатты учурдагы оңдоп-түзөө иштери жүргүзүлөт. Андан тышкары, бир турбогенераторду капиталдык оңдоп-түзөө, дагы төрт турбогенераторду учурдагы оңдоп-түзөө жана негизги жана жардамчы жабдууларды калыбына келтирүү пландаштырылууда.

«Оңдоп-түзөө иштерин этап-этабы менен жүргүзүү пландаштырылууда, негизги энергия блоктору жана жардамчы системаларга тиешелүү болот. Мындан тышкары, эскирген компоненттерди алмаштыруу, автоматташтыруу системасын жакшыртуу жана энергетикалык натыйжалуулукту жогорулатуу каралган.

Муниципалдык «Бишкектеплоэлектроцентраль» мекемеси бүгүнкү күндө кийинки кыш мезгилине даярдык көрүп, туруктуулукту камсыз кылууга аракет кылып жатат»,-деп айтылат маалыматта.