Ботаникалык бактын реконструкцияланганынан кийинки көрүнүшү - видео

Жолдордун жаңылануы жана заманбап жарыктандыруунун орнотулушу


Каныбек Туманбаев Бишкек шаарындагы Э.Гареев атындагы Ботаникалык бактын пландалган реконструкциясынан кийинки келечектеги көрүнүшүн көрсөтүп турган видеону сунуштады. Жазуу анын социалдык тармактардагы баракчасына жарыяланды.

Ал көп жылдан бери бул аймакка көңүл бурулбай калганын, бул болсо кылмыштуулуктун өсүшүнө алып келгенин баса белгиледи. Андан тышкары, акыркы убакта бакка жапайы жаныбарлар, анын ичинде шакалдар кире баштады.

«Эми Ботаникалык бакка көңүл бурулат, биз анын тегерегин тартипке келтиребиз. Таштар алынат, сапаттуу жарыктар орнотулат, жөө жолдор жаңыртылып, тургундар жана коноктор үчүн комфортту жана коопсуздукту камсыз кылуучу шарттар түзүлөт», - деди Туманбаев.