Нарын облусунда был жылы «Жашыл мурас» кампаниясы алкагында 312 миң көчөт отургузулат

2-апрелде Нарын обласында "Жашыл Мурас" улуттук акциясына арналган кеңейтилген жыйын өттү, деп билдирди Табигый ресурстар министрлигинин басма сөз кызматы.

Иш чарага Табигый ресурстар министринин орун басары Мирслав Аманкулов, Нарын обласындагы президенттин ыйгарым укуктуу өкүлүнүн биринчи орун басары Адыл Сапаров, ошондой эле облустук уюмдардын жетекчилери, райондордун мамлекеттик администрациясынын башчылары, Нарын шаарынын мэриясынын өкүлдөрү жана райондук орман чарбаларынын жетекчилери катышты.

Жыйында райондук мамлекеттик администрациянын башчылары "Жашыл мурас" акциясы боюнча 2024-жылы отургузулган көчөттөрдүн саны жөнүндөгү маалыматтарды беришти жана быйылкы отургузуулар боюнча пландарын белгилешти. Алдын ала маалыматтарга караганда, 2025-жылы Нарын обласында улуттук акциянын алкагында 312 миң көчөт отургузуу пландаштырылууда.

Аманкулов жана Сапаров көчөттөрдүн убагында отургузулушунун зарылдыгын, ошондой эле алардын тамырлашуусу жана кийинки өсүшүнүн маанисин белгилешип, тиешелүү тапшырмаларды райондук мамлекеттик администрациянын башчыларына жана орман чарбаларынын жетекчилерине тапшырды.