Ош шаарындагы батирлердин квадрат метринин орто баасы аталды

Кыргыз Республикасынын Жер ресурсулары, кадастр, геодезия жана картография мамлекеттик агенттигинин маалыматына ылайык, 2023-жылдын февраль айында Ош шаарындагы батирлердин квадраттык метринин орто баасы 63 951 сомду түзүп, бул $727ге барабар.

Ошол эле учурда, жеке үйлөрдөгү бир квадрат метрдин орто баасы 110 734 сом, же $1 260гө жеткен.

Коммерциялык жылжымайтын мүлк боюнча квадраттык метр 79 823 сомго ($908) сатылууда.

Маселен, Бишкекте февраль айында батирлердин квадраттык метри 103 465 сом ($1 178) болгон.

Башкы беттеги сүрөт: economist.kg.