Свердловская облуусу Кыргызстандан азык-түлүк сатып алууга кызыкдар

Кечээ Кыргызстанга Россия Федерациясынын Свердловская облуусунан расмий делегация келип, делегацияны губернатордун орун басары Владимир Козлов баштады. Делегациянын курамына агроөнөр жай комплекси жана керектөө рыногу министрлиги, ошондой эле кыргыз өнөктөштөрү менен кызматташуу үчүн азык-түлүк жеткирүү боюнча жергиликтүү компаниялардын өкүлдөрү кирди.

Делегация өз визити учурунда төмөнкү компаниялар менен таанышууга мүмкүнчүлүк алды:

- ОсОО "ПродИмпекс"

- ОсОО "Эко Фармер"

- ОсОО "Бай Элим".

Аймактарды кыдыруу учурунда азык-түлүк жеткирүү боюнча узак мөөнөттүү өнөктөштүктүн келечектери талкууланды.

Так келишимдерге жетишүү үчүн Россиянын соода тармактарынын өкүлдөрү менен жолугушуу уюштурулду.

Мындай тармактардын өкүлдөрү, мисалы, ТД "Доктор Аппетит" ("Верный" соода тармагы), ООО "ТК Меридиан", ООО "Продовольственная компания", ООО "Флагман" жана ТПК "Бест" жаңы жана кайра иштелген жашылча-жемиштерди, ошондой эле жаңгактар жана буурчактарды сатып алууга кызыкдар экендиктерин билдиришти.