ЖК цифралдык сомдун статусу тууралуу мыйзам долбоорун экинчи окууда кабыл алды

- 2025-жылдын 6-мартындагы отурумунда Жогорку Кеңештин депутаттары Кыргыз Республикасынын Конституциясына «Кыргыз Республикасынын Улуттук банкы тууралуу» конституциялык мыйзамына өзгөртүүлөрдү киргизүү жөнүндө мыйзам долбоорун, ошондой эле «Кыргыз Республикасынын айрым мыйзам актыларына улуттук санариптик валюта – санариптик сомдун юридикалык статусун жөнгө салуучу өзгөртүүлөрдү киргизүү жөнүндө» мыйзам долбоорун экинчи окууда карап, макулдугун беришти.

Бул мыйзам долбоорлорунун демилгечиси Министрлер кабинетинин жетекчиси.

Жогорку Кеңештин Бюджет, экономика жана фискалдык саясат боюнча комитетинин төрагасы Данияр Толонов аталган мыйзам долбоорлору тууралуу маалымат берди.

Мыйзам долбоорлорун иштеп чыгуунун максаты улуттук санариптик валюта «санариптик сом» боюнча прототиптин пилоттук долбоорун ишке киргизүү, ошондой эле укуктук негиздерди түзүп, анын статусун аныктоодон турат.

Санариптик сомдун юридикалык статустары жетиштүү деңгээлде ылайыктуу техникалык платформаны тандоодон жана прототиптин тестирлөөсү менен пилоттук ишке киргизүүнүн ийгиликтүү аякташынан көз каранды экенин белгилөөгө болот. Мындан тышкары, продуктивдүү режимге өтүү боюнча чечим кабыл алуу зарыл.

Жогоруда айтылганга байланыштуу, мыйзам долбоорлору 2027-жылдын 1-январынан баштап күчүнө кириши сунушталууда.