Жогорку Кенештин комитети неналогдук кирешелер боюнча кодекске өзгөртүүлөрдү үчүнчү окууда жактырды

- Кыргыз Республикасынын Жогорку Кенешинин Бюджет, экономикалык жана фискалдык саясат боюнча комитетинин бүгүн, 3-мартта өткөн отурумунда «Кыргыз Республикасынын айрым мыйзам актыларына (Кыргыз Республикасының неналогдук кирешелер боюнча кодексине жана Кыргыз Республикасының укук бузуу боюнча кодексине) өзгөртүүлөрдү киргизүү жөнүндө» мыйзам долбоору үчүнчү окууда каралып, жактырылды.

Жогорку Кенештин депутаты Марлен Маматалиев аталган мыйзам долбоорунун демилгечиси болду.

Демилгечинин айтымында, мыйзам долбоорун түзүүнүн максаты неналогдук кирешелерди даярдоону жакшыртуу жана Кыргыз Республикасынын неналогдук кирешелер боюнча кодексинин нормаларын сактоону камсыздоо, ошондой эле неналогдук кирешелер боюнча мыйзам бузуулар үчүн төлөөчүлөргө жоопкерчилик чараларын колдонуу жана нормаларды Кыргыз Республикасынын укук бузуу боюнча кодексине ылайык келтирүү болуп саналат.