Бишкекте фермерлер дүйнөлүк цифраландыруунун аграр секторундагы тенденциялары менен таанышмак

Бүгүн, 3-апрель күнү, Кыргыз улуттук академиялык драма театрынын Т. Абдумомунов атындагы залында "Цифралык фермер 2025" аттуу иш-чара башталды.
Агроөнөр жай министрлиги тарабынан берилген маалыматка ылайык, бул форум фермерлерге агросекторду цифралаштыруу жана заманбап технологияларды киргизүү боюнча дүйнөлүк тренддер менен таанышууга уникалдуу мүмкүнчүлүк берет, ошондой эле айыл чарба техникаларынын жаңы үлгүлөрү менен таанышууга шарт түзөт.
Форумдун ачылышында өкмөт башчынын орун басары жана суу ресурстары, айыл чарба жана кайра иштетүү өнөр жайы министри Бакыт Торобаев фермерлер үчүн инновациялык продукцияларды көрүү жана алардын жетишкендиктерин агросектордо кантип колдонуу мүмкүн экенин талкуулоого жакшы мүмкүнчүлүк экенин баса белгиледи.
«Учурда агросектордун алдында жаңы чакырыктар турат. Цифралаштыруу ушул контексте күчтүү инструмент болуп саналат. Ал маалыматтарга негизделип чечимдерди кабыл алууга, процесс администрирлөөсүн жакшыртууга, түшүм болжолдоого, жер жана өсүмдүк абалын контролдоого, ошондой эле сугарууну оптималдаштырууга мүмкүндүк берет», - деди Бакыт Торобаев.

Форумдун алкагында айыл чарбадагы цифралык революциянын бир бөлүгү катары заманбап айыл чарба технологияларынын көргөзмөсү өтөт.