ЕАЭС жана Иран ортосундагы эркин соода келишими 15-майда күчүнө кирет, - ЕЭК

- Евразия экономикалык комиссиясы (ЕЭК) Ислам Республикасы Иран өлкөсү Евразия экономикалык союз менен эркин соода келишимин күчүнө киргизүү үчүн бардык ички процедураларды аяктагандыгын маалымдады. Бул маалымат ЕЭКтин маалымат кызматында жарыяланды.

Эскертсек, январь 2025-жылы Иран тарапка ЕАЭС тараптан бардык зарыл процедуралардын аяктагандыгы тууралуу билдирүү жөнөтүлгөн.

«Келишимдин талаптарына ылайык, бардык процедуралардын аяктагандыгын тастыктаган ноталарды алмашуудан кийин, документ 60 күндөн кийин күчүнө кирет. Демек, келишим 2025-жылдын 15-майында күчүнө кирет», - деп белгиледи ЕЭКнын соода министри Андрей Слепнев.

Бул келишимди ишке киргизүү өлкөлөр арасында соода байланыштарын өнүктүрүүнүн күчтүү инструментине айланат жана жакынкы келечекте өз ара товар жүгүртүүнү рекорддук 12 миллиард долларга чейин көбөйтүүгө мүмкүндүк берет, бул азыркы көлөмдүн эки эсе көп.
2019-жылдан бери Иран менен ЕАЭС ортосундагы чектелген товарлар үчүн эркин соода зонасын түзүүгө багытталган убактылуу келишим күчүндө. 2023-жылдагы 25-декабрда Санкт-Петербургда кол коюлган толук форматытагы Эркин соода келишими тараптар ортосундагы товар номенклатурасынын 90%ына жакынына бажысыз режимди белгилейт.