Трамп Канаданын жана Мексиканын импортторуна салына турган бажы салыктар 4-марттан башталат деп билдирди. Ал ошондой эле Кытайдан келген товарларга кошумча бажы салыктарын киргизерин маалымдады

Трамп айтып өткөндөй, бул күнү Кытайга 10% бажы салыктар да салынат.

Канадалык премьер-министр Жастин Трюдо АКШнын аракеттерине «тез жана чечкиндүү» жооп берүүгө убада берди, - деп билдирет CBC.

Февраль айынын башында президент Трамп Мексика, Канада жана Кытайдан келген товарларга бажы салыктарын киргизүү боюнча жарлыкка кол койгон. Бирок «бажы согушу» жакынкы коңшулар менен башталган жок, себеби эки мамлекеттин лидерлери келишимге келип, сүйлөшүүлөр учурунда бир катар компромисстерди кабыл алышты.

Атаандаштык жаратууда Оттава АКШ менен чек араны бекемдеш үчүн 1,3 миллиард доллардык планына макул болду жана наркотрафик менен күрөшүү боюнча жаңы милдеттемелерди өзүнө алды. Өз кезегинде Мексиканын бийликтери мыйзамсыз миграцияны жана наркоторгту көзөмөлдөө үчүн АКШнын чек арасында 10 миң аскер кызматкерин жайгаштырууга макул болушту.